नगरपालिका मुख्याधिकाऱ्यांचा लेखी आश्वासनाने शिवसेनेचा आंदोलनाची सांगता नागरी समस्यांसाठी शिवसेनेचा नगरपरिषद प्रशासनाविरुद्ध आंदोलन ४७ कोटींची पाणीपुरवठा योजना भंगारात, शासन निधीचा दुरुपयोग खेमराज शरणागत,तुमसर तुमसर ९ डिसेंबर, २०२४ पाणीपुरवठा योजना ४७ कोटींचा योजनेंतर्गत तुमसर शहरात जलवाहिनीचे कामे गेल्या सहा वर्षांपासून कासवगतीने सुरू असून संपूर्ण शहरातील गल्लोगल्लीत मजबूत सिमेंट रस्ते जेसीबीने फोडून पाईपलाईन टाकण्यात आले मात्र पाईपलाईन योग्य दर्जाचे नसल्याचे सांगत पुन्हा त्या जलवाहिनी काढून त्याठिकाणी संबंधित कंत्राटदाराकडून सिमेंट रस्ते खोदकाम करण्यात आले एकूणच यामध्ये शासन निधीचा दुरुपयोग झाला आहे. शहरातील नागरिकांना स्वखर्चातून घरासमोरील रस्ते दुरुस्ती करावे लागत आहे. त्यामुळे आर्थिक भुर्दंड सहन करावा लागत आहे. त्यानंतरही नगरपरिषद प्रशासनाकडून रस्ते पूर्वरत केल्या जात नाही. नागरिकांच्या गैरसोयीकडे नगरपरिषद प्रशासन अक्षम्य दुर्लक्ष करीत असल्याने शिवसेनेच्या वतीने आंदोलन करण्यात आले. प्रधानमंत्री आवास योजना अंतर्गत सन २०१८-२०१९ पासून शेवटच्या टप्प्यातील थकीत रकमेचे देयके असतानाही नगरपरिषद प्रशासनाने लाभार्थ्यांना अजूनही अनुदान दिले नाही. सर्व गोरगरीब जनतेने जुळवाजुळव पैसा लावून आवास योजना पूर्ण झालेल्या घरकुलांचे निर्माणकार्यही संपले, पण २०२५ वर्ष येऊन ठेपला असता देयके अद्यापही मिळाली नाहीत. लाभार्थ्यांनी इतरत्र पैशांची तडजोड करीत आणि स्वतः निर्माणकार्य केले आहे. तुमसर शहरातील मध्यभागी असलेल्या नगरपालिकेच्या गांधीसागर तलाव परिसरात नियमित साफसफाई होत नाही ‎त्यामुळे जागोजागी कचऱ्याचे ढिगारे साचले असून घाण वास येत सर्वत्र दुर्गंधी‎ पसरली आहे. या घाण, ‎दुर्गंधीमुळे नागरिकांचे आरोग्य धोक्यात‎ आले आहे. या समस्याकडे नगरपरिषद ‎प्रशासनाचे दुर्लक्ष होत असून ‎नागरिकांच्या आरोग्याच्या दृष्टीने‎ शहरात नियमित साफसफाई ‎करून घाण कचऱ्याची विल्हेवाट लावण्यात ‎यावी. तुमसर शहरात दलीतवस्ती सुधार योजनेअंतर्गत बुद्धविहार ते नागमंदिर ते लालबहादूर शास्त्री पुतळा ते राजीव गांधी पुतळ्यापर्यंत सन २०२२ मध्ये सिमेंट रस्ते बांधकाम नगरपालिकेच्या माध्यमातून करण्यात आले मात्र सिमेंट रस्त्यावरील गिट्टी एक दोन वर्षातच बाहेर आली त्यामुळे रस्त्याच्या गुणवत्तेवर नागरिकांच्या तक्रारींवर निराकरण करण्यात आले नाही आणि संबंधित कंत्राटदारांना देयक देण्यात आले. सदर अनामत रक्कम जप्त करून देखभाल व दुरुस्ती अंतर्गत तातडीने रस्ता दुरुस्ती करण्यात यावे, भुजली तलावाचा खोलीकरण व सौंदर्याकरणारच्या कामात झालेल्या भ्रष्टाचाराची चौकशी करुन दोषी कंत्राटदारात काळ्या यादीत टाकावे अशी मागणी शिवसेनेचे विभागप्रमुख अमित एच मेश्राम यांनी नगरपालिकेचे मुख्याधिकारी तथा प्रशासक जुम्मा कासम प्यारेवाले यांच्याकडे केली. या सर्व समस्यांवर तोडगा काढला जाईल असे लेखी आश्वासन देण्यात आले.‎ या आंदोलनात माजी आमदार चरण वाघमारे यांनी भेट देऊन मुख्याधिकाऱ्यांना जाब विचारला. यावेळी शिवसेनेचे उपजिल्हाप्रमुख शेखर कोतपल्लीवार, नगरपालिकेचे माजी नगराध्यक्ष अमर रगडे, अरविंद कारेमोरे, भारतीय राष्ट्रीय काँग्रेसचे कार्याध्यक्ष शैलेश पडोळे, माजी नगरसेवक मेहताबसिंग ठाकूर, राष्ट्रवादी शरद पवार गटाचे शहराध्यक्ष खेमराज नागफासे, संदीप वाट, कृषी उत्पन्न बाजार समितीचे संचालक राजेश पटले, तालुका प्रेस वेलफेअरचे अध्यक्ष लिलाधर वाडीभस्मे, अनिल जिभकाटे, युवासेनेचे मनोज चौबे, पवन खवास, शिवसेना शाखा प्रमुख रोशन ढोके, सरपंच ईश्वर गौपाले, निखील बिसेन, राजू ठाकूर, अशद उल्ला खान, ज्ञानेश्वर वासनिक, सद्दाम शेख, योगेश रंगवानी, रामप्रसाद ईळपाचे, दीपक लूटे, गौरव नवरखेले, जवाहर कुंभलकर, वामन पडोळे, मनोहर गायधने, सचिन नेवारे, रामप्रसाद नैताम, हेमंत मलेवार, उमाकांत बडवाईक, पांडुरंग कुंभलकर, दिलीप लांजेवार, सागर बिसने, नामिषा वाकरकर यासह शिवसैनिक उपस्थित होते.