*लुंबिनी विद्यालय कुंभारझरीतील स्काऊटच्या सात विद्यार्थ्यांचे राज्यस्तरीय राज्य पुरस्कारासाठी घवघवीत यश*
=============== (दत्ता देशमुख यांच्याकडून )
महाराष्ट्र राज्य भारत स्काऊटस् व गाईडस् मुंबई च्या वतीने आयोजित राज्यस्तरीय राज्य पुरस्कार स्काऊट चाचणी शिबिर दिनांक 2 ते 5 डिसेंबर 2024 या कालावधीत राज्य प्रशिक्षण केंद्र छत्रपती संभाजीनगर येथे मोठ्या उत्साहात संपन्न झाले.
महाराष्ट्र राज्य भारत स्काऊट गाईड मुंबईच्या वतीने या शिबिराचे शिबिर प्रमुख जालना जिल्ह्याचे स्काऊट गाईड विभागाचे जिल्हा संघटक स्काऊट तथा लीडर ट्रेनर स्काऊट के.एल.पवार यांचे नियुक्ती करण्यात आली होती. त्यांच्या हस्ते या शिबिराचे उद्घाटन झाले होते.
यावेळी शिबिर सहाय्यक म्हणून सहाय्यक शिबिर प्रमुख संतोष सोनवणे, जिल्हा संघटक स्काऊट छत्रपती संभाजीनगर, मिलिंद तायडे, जिल्हा संघटक स्काऊट परभणी, योगेश आवढाळ बीड, अनंत पाटील, ज्येष्ठस्काऊट शिक्षक गजानन घुगे स्काऊट मास्टर तथा सहाय्यक लीडर ट्रेलर छत्रपती संभाजीनगर इत्यादींची उपस्थिती होती.
या चार दिवसीय राज्यस्तरीय चाचणी शिबिरादरम्यान सहभागी सर्व स्काऊट विद्यार्थ्यांची स्काऊट गाईड त्रिवार्षिक अभ्यासक्रमावर आधारित लेखी, तोंडी तसेच प्रात्यक्षिक स्वरूपात परीक्षा मोठ्या खेळीमेळीच्या वातावरणात कोणत्याही प्रकारच्या दडपणाशिवाय झाली. त्यामध्ये प्रामुख्याने स्काऊट गाईड चा इतिहास, राष्ट्रध्वज राष्ट्रगीत, स्काऊट गाईड प्रार्थना, नियम,वचन, ध्येय खून, हस्तांदोलन, बी पी व्यायाम प्रकार, योगा , स्काऊट गाईड ध्वजारोहण पद्धत होकायंत्र, स्वयंपाकाचे प्रात्यक्षिक, कम्युनिकेशन गेम, हाताच्या, सिटीच्या व मागाच्या खुणा, आग विझवण्याच्या पद्धती, विविध पायोनियरिंग प्रोजेक्ट, विविध प्रकारच्या गाठीचे प्रकार, बांधण्या, कॅम्प क्राफ्ट, गार्डन प्रोजेक्ट, विविध प्रकारचे कलागुणांना वाव देण्यासाठी प्राविण्य पदक अभ्यासक्रम, निसर्गात तंबू सजावट व निरीक्षण इत्यादी बाबीचा समावेश होता.
स्काऊट गाईड अभ्यासक्रमाच्या माध्यमातून सहभागी स्काऊट विद्यार्थ्यांना देश प्रेम, सहकार्य भावना, दातृत्व वृत्ती, सामूहिक स्वच्छता, एकीचे बळ, परिश्रमाची तयारी, वेळेचे काटेकोर पालन, समय सूचकता, बंधुभाव, विविधतेतून एकता, विविध कला गुणांचा विकास, संकटावर मात करून प्रसंगानुसार जीवन जगण्याची कला, आनंददायी जीवन जगण्याची भावना, सर्वधर्मसमभाव, शिस्त चारित्र्यसंवर्धन, आरोग्य, संवर्धन, स्वावलंबन व सेवा या बाबीचे शिबिर स्थळी कृतीयुक्त शिक्षण मिळाले आणि त्यास उपस्थित स्काऊट विद्यार्थ्यानी संबंधित शिक्षकांनी देखील सकारात्मक पद्धतीने उत्तमरीत्या दर्शविला.
. या चाचणी परीक्षेत पात्र विद्यार्थ्यांना महाराष्ट्राचे महाराष्ट्र राज्याचे राज्यपाल महोदय यांच्या स्वाक्षरीचे प्रमाणपत्र देखील मिळणार आहे. हा सन्मान स्काऊट गाईड विद्यार्थ्यांचा विद्यार्थी जीवनातील सर्वात मोठा सन्मान आहे.
या पुरस्कारासाठी संबंधित शिक्षकांनी आपल्या शाळेतील विद्यार्थ्यांवर केलेली मेहनत फळाला येणार आहे.
या राज्यस्तरीय राज्य पुरस्कार चाचणी शिबिरास उपस्थित 140 स्काऊट पैकी 7 लुंबिनी विद्यालय कुंभारझरी या शाळेतील स्काऊट ओमकार जाधव , वेदांत चव्हाण, वैभव पैठणे गोपाल चव्हाण साहिल शेख अभिषेक शेळके ऋषिकेश तुपकर असे एकूण स्काऊट चार व संबंधित स्काऊट मास्टर गजानन घुगे यांची उपस्थिती होती. या यशाबद्दल संस्थेचे अध्यक्ष माननीय सुदामरावजी सदाशिवे सचिव दीपक भैय्या सदाशिवे शाळेचे मुख्याध्यापक श्री डि एस कासार सर व सर्व शिक्षक व शिक्षक इतर कर्मचारी त्यांनी भव्य सत्कार केला
