सोमनाथ सूर्यवंशी हत्येच्या निषेधार्थ आष्टीत कडकडीत बंद समाजाच्या आक्रोशाची व्यापाऱ्यांकडून दखल आष्टीत पहिल्यांदाच शंभर टक्के बंद जिल्हा जालना ता परतूर आष्टी प्रतिनिधी पवन आव्हाड () परभणी येथे भारतीय संविधान सन्मानाच्या बाजूने आंदोलन करणाऱ्या सोमनाथ सूर्यवंशी यांच्या हत्येच्या निषेधार्थ आष्टीत कडकडीत बंद पाळण्यात आला असून समाजातील आक्रोश पाहून व्यापाऱ्यांनी दखल घेत या बंदला प्रतिसाद दिला,आष्टी त पहिल्यांदाच इतका कडकडीत व शंभर टक्के बंद पाळण्यात आला आहे. याविषयी अधिक माहिती अशी की,दिनांक १०डिसेंम्बर रोजी परभणी येथील डॉ बाबासाहेब आंबेडकर यांच्या पुतळ्या समोरील संविधान प्रतिकृतीची विटंबना करण्यात आली होती,सदरील घटनेच्या निषेधार्थ परभणी शहरात तणाव निर्माण झाल्याने तेथे जमावबंदी आदेश लागू करण्यात आले होते,लोकशाही मार्गाने आंदोलन करणाऱ्या आंदोलकांना पोलिसांनी उचल बांगडी करत पोलीस रिमांड मध्ये घेण्यात आले होते यातच सोमनाथ सूर्यवंशी बळी गेल्याने महाराष्ट्र बंदची हाक देण्यात आली होती,झालेली घटना अतिशय दुर्दैवी असल्याने संपूर्ण आंबेडकरी अनुयायी रस्त्यावर उतरले होते,आष्टी येथील व्यापाऱ्यांनी केवळ १२ वाजेपर्यंत बंद पाळण्यात येईल असे आंदोलकाना सांगितले असता आंदोलक यांनी व्यापाऱ्या सोबत चर्चा केली वातावरण तणावपूर्ण होण्याचे दिसून येताच पोलिस ठाणे प्रभारी सचिन इंगेवाड यांनी मध्यस्थी करत बंद ला वेगळे वळण लागणार नाही याची दक्षता घेत परिस्थिती नियंत्रणात आणली,दुपारी तीन वाजेच्या दरम्यान शहीद सोमनाथ सूर्यवंशी यांचे पार्थिव आष्टी येथून आले असता मोंढा टी पॉईंट येथे अँम्ब्युलन्स मध्ये असलेल्या सोमनाथ सूर्यवंशी यांच्या पार्थिवावर अमर रहे च्या घोषणा देत पुष्पवृष्टी करण्यात आली यावेळी मधुकर दादा मोरे,रोहन वाघमारे,गौतम शेळके,उद्धव डोळस,राहुल कांबळे,शिवाजी डोळस,प्रल्हाद वाहूळे,पवन आव्हाड,स्वप्नील लोकरे,सुशील घुगे,दिपक वक्ते,रवी लोंढे,अहेमद शेख,सुशील मोरे,गणेश कांबळे,सोहेल शेख,रवी वाहूळे,राहुल आव्हाड,विशाल शिंदे,बुद्धपाल मोरे,सुरेश लहाडे,नितीन मोरे,राजेभाऊ आघाव सचिन घुगे,अर्जुन गायकवाड,यांच्या सह शेकडो कार्यकर्ते सहभागी होते